good shayari

muzzu20

muzzu20

Muzzu Deshmukh
jaan ki zarorat parei tou jaan tum meri jaan lei leina....
apne aansowo ko chupa ne ho agar tou tum meri palkon par apne saarei aansoo saja deina....
gham tumhein koy satay tou tum vo dard hi hamisha ke leye mere dill mei daba deina....
meri kabhi yaad aaye tou tum apnei dill par haat rahk kar mere dill ko apne seinei mei dharaktei howi mehsoos kar leina........
 
Kitni azii-at se us ne mujh ko bhulaya hoga
Meri yadoon ne usse khoob rulaya hoga

Baat be baat aankh us ki jo chalakti hogi
Us ne chehre ko bazoun main chupaya hoga

Soocha hoga us ne din mein kaii baar mujhe
Naam hathelli pe bhi likh likh ke mitaya hoga

Jahan us ne mera zikr suna hoga kisi se
Us ki aankhon mein koi aanso to aaya hoga

Raat ke bhegne tak neend na aai hogi tujhe
Tu ne takiye ko bhi senay se lagaya hoga

Ho ke nidhal meri yaadoon se tune jana
Meri tasveer pe sir apna tikaya hoga

Poocha hoga jo kisi ne teri halat ka sabab
Tune batoon mein khoob us se chupaya hoga

Jab kabhi chand ko dekha akele tu ne
Tujhe Mera saath bara yaad aaya hoga...
 
aankh se duur na ho dil se utar jaayegaa
vaqt kaa kyaa hai guzarataa hai guzar jaayegaa

itanaa maanuus na ho Khilvat-e-Gam se apanii
tuu kabhii Khud ko bhii dekhegaa to dar jaayegaa

tum sar-e-raah-e-vafaa dekhate rah jaaoge
aur wo baam-e-rafaaqat se utar jaayegaa

zindagii terii ataa hai to ye jaanevaalaa
terii baKhshiish terii dahaliiz pe dhar jaayegaa

duubate duubate kashtii to ochhaalaa de don
main nahiin koii to saahil pe utar jaayegaa

zabt laazim hai magar dukh hai qayaamat kaa 'Faraz'
zaalim ab ke bhii na royegaa to mar jaayegaa
 
Yeh Ishq Badha Beikhteyaar Hai
Dil Ko Talaash e Sskoom Hai
Ankhon Main Intezaar Hai
Jahan Tak Samjha Hon Isko
Yeh Ishq Badha Beikhteyaar Hai
 
Ehsasaat Beyan Karne Ko Kuch Lafz Trashe Hain
Kuch Kitne Bheghe Hain Kuch Kitne Pyase Hain

In Lafzon Main Shayed Tum Ko Kuch Dard Mera Dekhaye De
Kuch Bebasi Meri Samjho Tum HUm Waqat Se Haray Hain.....
 
DIL TORNE WALAY

Ulfat ki nayi manzil ko chala
Tu baheen daal k bahoon main
Dil torney walay dekh ke chal
Hum bhi to parey hain rahon main

Jab chandani raaton main tumne
khud hum se kiya ikrare wafaa
Phir aaj hain kyun hum beganey
Teri be reham nigahon main

Kiya kiya na jafayain dil pe sahen
Par tum se koyi shikwa na kiya
Is jurm ko bhi shamil kar lo
Mere masoom gunahoon main

Hum bhi hain wohi tum bhi ho wohi
Yeh apni apni kismat hai
Tum khail rahe ho khushiyon se
Hum doob gaye hain aahon main
 
Wo jo roop zer-e-naqab tha

--------------------------------------------------------------------------------

Wo jo roop zer-e-naqab tha

Usay dekhna mera khuwab tha

Jo mila tha hijr ki shakal may

Mere chahatoon ka azaab tha.

Yeh sawal tha kay mila karoon

Na mila karoon

Yeh jawab tha

Jisay dekh kar main tarap utha

Ter ankhon main wo hijab tha

Mere pass thi mere tishnagi

Tere pass jam-e- sharab tha

Tere pyaar tha mere shayari

Tera ishq meri kitab tha.
 
Kabhi to ki hogi suraj ne chand
se mohabbat
Tabhi to chand mein daag hai,
Mumkin hai ki chand ne ki
hogi bewafai
Tabhi to suraj mein aag hai.
 
Hasin palo ko phirse abad kar rahe the,
Chand se aapki baat kar rahe the,
Dil ko bada sukun mila jaanke yeh,
Ke aap bhi hame yaad kar rahe the.
 
Khuda ne sharaab jo banai peene ke liye,to piya kyun na jaye,duniya banai jeene ke liye, to jiya kyun na jaye,mahobbat ne diya mauka, shayari karne ka
To phir shayari kari kyun na jaye
 
kuch ankahe sabdon ke swar
ankhon mai kahin bayan hote hain
tanhaiyon mai aur jawan hote hain
jhukha lete hain jo palkain
raaj inhe bana lete hain.
 
kuch ankahe shbdon ki swar
sagar se bhi gahere hote hain
dubte hain har lamha inme
tanhaiyon mai aur jawan hote hain
kuch ankahe shbdon ke swar
ankhon mai kahin bayan hote hai
tanhaiyon mai aur jawan hote hain
 
chandra kala ki sheetal kirne
chhu lete hain maan ka kona
jo andhere mai hai kahin duba
to raheta hai kahin sahema
shant adhron mai chhupa hai magar
jhalak aate hain ankhon mai
kuch ankahe shbdon ke swar
ankhon mai kahin bayan hote hain
tanhaiyon mai aur jawan hote hain
 
kai rangon mai hai saje
kai aakaron mai hai ye dhale
kuch uljhe to kuch sulje
mere shbd mere dil ka
raaj batate hain
jo kahe nahi ab tak
wo haal sunate hain
ye ankhahe hain abhi
dabe hain kahin
sunna hai to ankhon se baat karna
adhron par ye to katrate hain
kuch ankahe shbdon ki swar
ankhon mai kahin bayan hote hain
tanhaiyon mai aur jawan hote hain.
 
Khomshi K Darya Main Koi Jab Utar Jaye
Aik Aur Dunya Ka Phir Suragh Woh Paye

Rastay Main Jo Mil Ker Ajnabi Sa Ban Jaaye
Kaisay Uss Se Hum Keh Dain Do Ghari Thair Jaye

Kuch Sakoon To Yaro Us Gali Main Aaye Ga
Be-Kali Si Ik Lay Ker Jis Gali Se Hum Aaye

Aaj Hum Ko Batla Do Itni Be-Rukhi Kiun Hai
Khaar Tum Ne Bhaijay Kiun Hum Ne Gul Jo Bhijwaye

Rasta Badalnay Main Dair Kitni Lagti Hai
Jis Ko Hai Gila Hum Se Chor Ker Chala Jaye

Sagharon Se Berh Ker Hai Is Main Kuch Nasha Aisa
Daikh Ker Teri Ankhain Bin Piye Jo Lehraye
 
dil mera mujhse berukhi kar raha hai
raheta to mujhme hai mera bankar
par naam har ghadi tera le raha hai.
rulata hai ye tanhaiyon mai aksar
gumgin meri har sham kar raha hai

jra ruk tham ja na dhadak is tarha
kuch to rahem kar na de yun saja
kya hui thi khata kya kiya tha gunha
kyun ankhon yun num kar raha hai...
dil mera mujhse berukhi kar raha hai...

mat rula mujhe is tarha kar ek dua
wo kush rahe jahan bhi ho uska ashiyan
har kushi de us par luta kar le ye dua
bewajha pyar ko badnaam kar raha hai
dil mera mujhse berukhi kar raha hai
 
Jis simt bhii dekhuu.N nazar aataa hai ke tum ho
ai jaan-e-jahaa.N ye ko_ii tum saa hai ke tum ho

ye Khvaab hai Khushbuu hai ke jho.nkaa hai ke pal hai
ye dhundh hai baadal hai ke saayaa hai ke tum ho

is diid kii sa_aat me.n ka_ii rang hai.n larazaa.N
mai.n huu.N ke ko_ii aur hai duniyaa hai ke tum ho

dekho ye kisii aur kii aa.Nkhe.n hai.n ke merii
dekhuu.N ye kisii aur kaa cheharaa hai ke tum ho

ye umr-e-gurezaa.N kahii.n Thahare to ye jaanuu.N
har saa.Ns me.n mujh ko ye lagataa hai ke tum ho

har bazm me.n mauzuu-e-suKhan dil zad_gaa.N kaa
ab kaun hai shiirii.n hai ke lailaa hai ke tum ho

ik dard kaa phailaa huaa saharaa hai ke mai.n huu.N
ik mauj me.n aayaa huaa dariya hai ke tum ho

vo vaqt na aaye ke dil-e-zaar bhii soche
is shahar me.n tanhaa ko_ii ham saa hai ke tum ho

aabaad ham aashuftaa saro.n se nahii.n maqtal
ye rasm abhii shahar me.n zindaa hai ke tum ho

ai jaan-e-`Faraz` itanii bhii taufiiq kise thii
ham ko Gam-e-hastii bhii gavaaraa hai ke tum ho
 
Woh pani ki lehroun pe kia likh raha tha,
Khuda janay harf e dua likh raha tha,

likha tha jis nay pyaar ka maani adhora,
woh shaks pyaar ki intiha likh raha tha,

zara us ki ankhoun say ansoun na tapkay,
woh jis waqt harf e saza likh raha tha,

Muhabbat main nafrat mili the usay b ,
woh har shaks ko beewafa likh raha tha....
 
You must log in or register to reply here.
Back
Top